514 HIKES and counting

Top Stories

Ramkumar

HIKE

बसमालिकमाथि आक्रमण, दुई घाइते, आठ पक्राउ

बसको रुटको विषयलाई लिएर आइतबार दिउँसो एक बस मालिकलाई कुटपिट गरी घाइते बनाउने आठजनालाई जिल्ला प्रहरी कार्यालय मकवानपुरले नियन्त्रणमा लिएको छ ।

उनीहरुलाई हेटौँडाबाट हाँडीखोला गाउँ विकास समितिको मकरीरुटमा चल्ने यात्रुबाहक बसका मालिक बाबुराम थापालाई कुटपिट गरी घाइते बनाएको आरोपमा प्रहरीले नियंत्रणमा लिएको हो । थापाको आँखा र टाउकोमा चोट लागेको छ । घटनामा भीमफेदी बस्ने भक्तबहादुर लामा पनि घाइते भएका छन् ।

जिल्ला प्रहरी कार्यालय मकवानपुरले कुटपिटमा संलग्न गोवर्धन रानामगर, संजय लोप्चन, राजु लामा, बृहस्पति लामा, सरोज लामा, लबिन लामा,बिनोद लामा र बिरु लामा र उनीहरुले प्रयोग गरेको ना २ ख १२८३ नम्बरको बसलाई नियन्त्रणमा लिएको छ ।
बसरुटको बिषयमा कुरा नमिल्दा नारायणी यातायात ब्यवसायी संघको मुख्य कार्यालय अगाडि नै आठजनाले थापा र लामालाई कुटपिट गरेका थिए ।