517 HIKES and counting

Top Stories

Mabi Singh

HIKE

गजल 6

खिया लाग्दै नलाग्ने सुनको थुप्रो हो नेपाल ।
हिमालै राखी बोकेको ठूलो कोक्रो हो नेपाल !

कसैले भन्ला बैशै नआई कुप्रो भो नेपाल,
मेरो भार ऊठाई रहेको काम्रो हो नेपाल ।

झुप्रै सही घर, सांझ संधै फर्कुं फर्कुं लाग्छ,
छाना नहोला तर बचेराको ओथ्रो हो नेपाल !

मनग्गे ती काल रात्रीहरुले आकाशै निल्दा ,
दिनै नंया क्षितिज ल्याउने पात्रो हो नेपाल ।

श्रीखण्ड देख्छु म, तिमी भन्छौ तुहेक्रो हो नेपाल,
ओढ्न जाने दोसल्ला नजाने भाङ्ग्रो हो नेपाल ।

बोस्टन, अक्टोबर ३१