सबसे दुखी हरफहरु

Posted by: lakhey

“बीस कविता प्रेमका, र एक निराशाको” बाट

- पाब्लो नेरुदा
(स्प्यानिश बाट अनुवादित)

यो रात म लेख्न सक्छु सबसे दुखी हरफहरु ।

लेख्न सक्छु जस्तै कि: ‘यो रात् भाँचिएको छ
अनि ती काँप्छन्, नीला, ती ताराहरु, टाढा ।’

हावा यो रातको घुम्छ आकाशमा, अनि गाउँछ ।
यो रात म लेख्न सक्छु सबसे दुखी हरफहरु ।
म उस्लाई माया गर्थे, र ऊ नि मलाई, कहिले काहिं ।

यस्तै रातहरुमा म उस्लाई अँगाल्थे ।
र चुम्थे बेस्सरी अपार आकाश मुनि ।

ऊ मलाई माया गर्थी, र म नि उसलाई कहिले काहिं ।
म कसरी मन नपराउन सक्थे, उसका ठूला, स्थिर आँखाहरु ।

यो रात म लेख्न सक्छु सबसे दुखी हरफहरु ।
सोच्न कि ऊ मेरी होइनन्, लाग्न कि मैले उसलाइ गुमाई सकें ।

सुन यो विशाल रात, विशालिँदो उनी बिना ।
धर्काहरु खस्छन् आत्मामा, घाँस मा शीत् झैं ।

के भो त मैले उसलाई राख्न सकिन ?
यो रात भाँचिएको छ र ऊ म सँग छैनन् ।

बस् यति नै हो । कोहि गाउँछ टाढा । टाढा,
मेरो आत्मा सन्तुष्ट छैन उसलाई गुमाएकोमा ।

ऊ सम्म पुग्न खोजे झैं, मेरा नजर उस्लाई खोज्छन् ।
मेरो मुटु उस्लाई खोज्छ: ऊ म सँग छैनन् ।

उहि रात सेतिन्छ, उहि हाँगाहरुमा ।
हामी, त्यहि समय देखि, उहि छैनौं ।

म उस्लाई मन पराँउदिन, यो निधो छ, तर कसरी म उस्लाई मन पराँउथे !
मेरो आवाज खोज्थ्यो त्यो झोंका ऊ सम्म पुग्न ।

अरुका चुम्बनहरु ऊ माथि, मेरा चुम्बन झैं ।
उस्को आवाज, उस्को उज्यालो तन, अनन्त आँखाहरु ।

म उस्लाई मन पराँउदिन, यो निधो छ, तर शायद म उस्लाई मन् पराँउछु ।
माया क्षणिक हो: बिर्साई लामो ।

मैंले उस्लाई अँगालेको हुनाले, ती रातहरुमा,
मेरो आत्मा खिन्न छ, उस्लाई गुमाएकोमा ।

यद्यपि, यो अन्तिम दुख हो उस्ले मलाई दिने,
र यी, अन्तिम हरफहरु, मैले उस्को लागि लेख्ने ।।

सबसे दुखी हरफहरु was last modified: December 23rd, 2014 by lakhey
 

Blog Comments

  1. neruda's fan

    वाह! वाह!! वाह!!! लाखे जी, सार्है राम्रो। यसरी नै अरु महान कविहरुको अरु कृतिहरु पढ्न पाउँ भन्ने आशा छ।

Post Your Comments:

Your email address will not be published. Required fields are marked *