तिमी उस्तै, उस्तै म

Posted by: nabaraj

 

लुकि-लुकि  घरि-घरि तिमीलाई नियाल्दा,

चाल  नपाएको नाटक गर्दै मुस्कान तिमीले फाल्दा।

बुझिकन नबुझे झै गर्ने तिमी उस्तै,

पत्तै नदिई  तिम्रो लागि मर्ने उस्तै म।

.

आउने जाने जसमा पनि तिम्रै मुहार देख्छु,

मिठो बोली सुन्दा पनि तिम्रै भनी झस्कन्छु।

जहाँ गए नि, यादमा सधैं आउने तिमी उस्तै,

तिमी हिंड्ने प्रत्येक  मोडमा धाउने उस्तै म।

.

हरेक रात सपनिमा बारम्बार आयौ,

तिमीले पनि शायद मेरो झझल्को पो पायौ।

धैर्य गरी मेरै बाटो हेर्ने तिमी उस्तै,

प्रकट हुन अनेक मौका कुर्ने उस्तै म।

.

बिर्सिएछु आँफैलाई, दिक्क लाग्छ अचेल,

बिना तिमी जमाना नै, फिक्का लाग्छ अचेल।

पत्तै नदीइ मन-मुटु चोर्ने तिमी उस्तै,

मुटु खुल्लै  तिम्रो सामु छोड्ने उस्तै म।

तिमी उस्तै, उस्तै म was last modified: February 29th, 2008 by nabaraj
 

Blog Comments

  1. निश्चल

    वाह वाह !!!!!
    एति मीठो कबिता लेख्ने तिमी उस्तै
    प्रशंसा नगरी बस्न नसक्ने, उस्तै म !!

  2. Basanta

    रमाइलो रहेछ कविता! अन्त्य भने सबैभन्दा दामी लाग्यो;

    पत्तै नदीइ मन-मुटु चोर्ने तिमी उस्तै,
    मुटु खुल्लै तिम्रो सामु छोड्ने उस्तै म।

    वाह! वाह!!

Post Your Comments:

Your email address will not be published. Required fields are marked *