गजल

Posted by: Mabi Singh

तापे तापुन् बल्ने खोडमा सबैजाना ।
पोले पोलुन् ताप्ने होडमा सबैजाना ।

बलियो सांठगांठ छ सजिलै नटुटेका
देखे देखुन् बिछोड, यो जोडमा सबैजना ।

सिधा हिडेरै गन्तब्य पुग्छु कसैगरि
कुरे कुरुन् भाड्न मोडमा सबैजाना ।

चिन्तन मननमा उज्यालो भबिष्य छ
दुखे दुखुन् बर्तमानको तोडमा सबैजाना ।

न किन्न सक्छन् न त लिलामै हुन्छु
बोले बोलुन् मूल्य करोडमा सबैजाना ।

तिन्का आखै आधा, म जे भरेको देख्छु
हांसे हांसुन् मेरो निचोडमा सबैजना ।

-मबि सिह
बष्टन

गजल was last modified: December 22nd, 2014 by Mabi Singh
 

Post Your Comments:

Your email address will not be published. Required fields are marked *