गजल 8

Posted by: Mabi Singh

आफ्ना टुक्राहरु टिप्नमै अति ब्यस्त छौ !
खुलासा भयो होला तिमी कति ध्वस्त छौ !

घातक नतीजा चुम्न माहीर बनायौ,
मायाका मागहरु राखे देखि त्रस्त छौ !

नजानी भएका गल्तीमा माफी पाईन !
रोजी रोजी छुरा अरु घोप्न अभ्यस्त छौ !

जगको ईंटा चोरिएको होस गरेनौ
अझै छाना अडाउने कुरामा विश्वस्त छौ !

बलात्कार भएन निर्बस्त्र हुंदा समेत
ऐना सित यौबनको बयानमा मस्त छौ !

खुईलेको रङ्गलाई परिबर्तन भन्दै
हरिया पातका नशा काट्न सिद्दहस्त छौ !

किल्ला-पर्खाल भित्र क्षितिज अमान्य हुंदा
भित्ताबाट उदाए जस्तै भित्तामै अस्त छौ !

its published in

http://www.tanneri.com/ReadArticle.asp?ArticleID=1557

with some modification

गजल 8 was last modified: December 22nd, 2014 by Mabi Singh
 

Post Your Comments:

Your email address will not be published. Required fields are marked *