गजल 15

Posted by: msigdel

एकान्तमा तिम्‌लाई कतै भेट्न पाए हुन्थ्यो बरै
धेरै दिनको पर्खाइ यो मेट्न पाए हुन्थ्यो बरै ।

अँध्यारो भो बस्ती मेरो खोज्छु जून छ कि कतै
लोभ्याउने तिम्रो अधर देख्‍न पाए हुन्थ्यो बरै ।

चखेवाको जोडी जस्तै रङ्गाउँदै जिन्दगीलाई
कथा हाम्रो जिन्दगीको लेख्‍न पाए हुन्थ्यो बरै ।

बाधा अनेक बाटा अनेक, अनेक छन् लक्ष्य यहाँ
पाइला हाम्रो एउटै पथमा समेट्न पाए हुन्थ्यो बरै ।

एकान्तमा तिम्‌लाई कतै भेट्न पाए हुन्थ्यो बरै
धेरै दिनको पर्खाइ यो मेट्न पाए हुन्थ्यो बरै ।

गजल 15 was last modified: December 22nd, 2014 by msigdel
 

Blog Comments

Post Your Comments:

Your email address will not be published. Required fields are marked *