Top Stories

Kapil Raj Pandey

HIKE

हिजो र आजको म

हिजो जंगलमा पसेर बन्दुक् को राजनीति गर्थे म
आज शहरमा बसेर नयाँ नेपाल बनाउदै छु
हिजो बेहिसाब रगतको खोला बगाउँथे म
आज उहि रगतले प्रगतिपथ को बाटो सजाउँदै छु

हिजो कलम हुनु पर्ने हातमा बन्दुक थमाउथे म
आज आएर मानवाधिकारको प्रश्न उठाउँदै छु
हिजो हाम्रो रक्तरन्जित इतिहँसले नयाँ आकार बनाउछ भन्थे
आज आएर सपथ ग्रहणका साथ त्यसको लाश जलाउदै छु

हिजो गल्ती गर्नेले सजाय पाउनु पर्छ भन्थे म
आज आफ्नै भुल लाई पनि दरबारको मोहर लगाउदैछु
हिजो समानताको धरातल कोरदै हिड्थे म
आज उहि रेखालाइ …

लचकताले बङ्गाउदैछु

हिजो प्रकृतिको निस्चल्ताको निर्मम हत्या गर्थे म
आज त्यसैको संर्क्षकको पदमा बस्न पाँउदा रमाँउदै छु
हिजो हथियारको आडमा तिम्रै घरमा बाँस् र गांस् माग्थे म
आज म बिनम्रताका साथ त्यही दैलोमा भोट माग्न आउँदैछु

नलगोस् अन्यथा यि हुन केवल मेरा मनका उद्वेगहरु
सोचे गरौ उपयोग म पनि लोकतन्त्रका फाईदाहरु
अवश्य हुन्छ क्रान्तिमा कतै केही गल्तिहरु
तर फेरी नपरोस् रुन ओभएका यि आँखाहरु

होस् तिमीले चाहे जस्तै निर्माण नयाँ नेपालको
हृदय देखिको शुभकामना सम्पुर्ण नेपालीको