Top Stories

EverestUncensored Correspondent

HIKE

मंगलबार: पहिलो लोकतांत्रिक आम हड्ताल

लोकतंत्र स्थापनाको झण्डै छ महिनापछि उद्योग व्यवसायीहरुले मंगलबार देशव्यापी रुपमा आम हड्ताल आह्वान गरेका छन । बन्दले जनजीवनमा सामान्य असर पारे पनि राजनितिक पार्टीहरुले आयोजना गर्ने बन्दहरु भन्दा धेरै कम प्रभाव देखिएको छ । काठमान्डौमा निजी र सार्वजनिक सवारी साधनहरु केहि पातलो रुपमा चलिरहेका छन । भित्रि गल्लीहरुमा दोकानहरु पूर्ण रुपमा खुलेका छन भने प्रमुख बजार क्षेत्रहरुमा फाट्टफुट्ट रुपमा खुलेका छन ।

मंगलबारको बन्द उद्योग वाणिज्य महासंघले आफ्ना पाँच बुँदे मागहरु पुरा गर्न दवाब दिने उद्देश्यले आह्वान गरेको हो । उसका मागहरुमा शान्ति सुरक्षाको ग्यारेन्टी, जबर्जस्ती चन्दा संकलनमा रोक, उद्योगी र ट्रेड युनियनबिचको विवादको अन्त्य आदि रहेका छन । तर विष्लेषकहरुले सरकारले खराब कर्जा उठाउन कडा कदमहरु चाल्न थालेपछि आत्तिएर उद्योगीहरुले बिरोधस्वरुप आजको बन्द आह्वान गरेको बतएका छन । यसअघि सोमबार मात्रै सरकार र व्यवसायीहरुबिच सहमति भएर बन्द फिर्ता लिने घोषणा गरेका व्यवसायीहरुले साँझ पुनः बन्द फिर्ता नभएको घोषणा गरेका थिए । सोमबार नै पुनरादेदन अदालत ललितपुरले आमहड्ताल आयोजना नगर्न व्यवसायीहरुको नाममा अन्तरीम आदेश जारी गरेको थियो ।
यसैबिच बन्द आह्वान गर्दै हिँडेका व्यवसायीहरु र अवग्य़ा गर्ने ट्रक चालकहरुबिच पोखरामा मंगलबार बिहान झडप भएको खबर प्राप्त भएको छ । झडपमा आधा दर्जनभन्दा बढी व्यवसायीहरु र ट्रकका कमदारहरु पनि सामान्य घाइते भएको खबर छ ।