Top Stories

Sadhana Sharma

HIKE

बाँच्न देऊ नारीलाई

तिमी किन नारीलाई अबला भन्छौ
नारीका चुरा लगाएका हातले पनि
सगरमाथाको टुप्पोमा झण्डा गाड्न सक्छन्
उनका गाजल लगाएका आँखाहरुले
ठूला ठूला काव्य अनि कृति पढ्न सक्छन्

उनका पाउजु लगाएका कोमल पाउले
चन्द्रमालाई लत्याउनपनि सक्छन्
तब तिमी किन स्त्रीजातिलाई असक्षम भन्छौ
शारीरिकरुपमा कमजोर छिन् भन्लाउ
कराँते र तेक्वान्दोमा पदक ल्याउने उनी नै छन्
बौद्धिक रुपमा पिछडिएकी ठान्लाउ
घर धान्दै बाहिरी काम सारा भ्याउने उनी नै हुन्
तब तिमी किन वाहियात नियम बनाउँछौ,
हेप्न अब बन्द गर बेरङ्ग भनी विधवाहरुलाई
बिन्ती छ परिष्कार गर छाउपडीजस्ता प्रथालाई
अनि बहिस्कार गर दाइजो र अंशका विवादहरुलाई
स्वतन्त्र भई अब बाँच्न देउ नारीलाई
खुला हावामा स्वच्छ सास फेर्न देउ नारीलाई ।।